lyrics of song aakaasham thaakelaa from film nuvvastaanante nenoddantaanaa in telugu

ఆకాశం తాకేలా వడగాలై ఈ నేల
అందించే ఆహ్వానం ప్రేమంటే
ఆరాటం తీరేలా బదులెచ్చే గగనంలా
వినిపించే తడిగానం ప్రేమంటే

అనువనువును మీటే మమతల మౌనం
పదపదమంటే నిలవదు ప్రాణం
ఆ పరుగే ప్రణయానికి శ్రీకారం

దాహంలో మునిగిన చివురుకి చల్లని తన చై అందించి
స్నేహంతో మొలకెత్తించే చినుకే ప్రేమంటే
మేఘంలో నిద్దురపోయిన రంగులు అన్నీ రప్పించీ
మాగానీ ముంగిట పెట్టే ముగ్గే ప్రేమంటే

ప్రాణం ఎపుడు మొదలైందో తెలుపగల తేదీ ఏదో
గుర్తించేదుకు వీలుందా
ప్రణయం ఎవరి హ్రుదయంలో ఎపుడు ఉదయిస్తుందో
గమనించే సమయం ఉంటుందా

ప్రేమంటే ఎమంటే ఏమంటే చెప్పేసే మాటుంటే
ఆ మాటకు తెలిసేనా ప్రేమంటే
అది చరితలు సైతం చదవని వైనం కవితలు సైతం పలకని భావం
సరిగమలెరుగని మదురిమ ప్రేమంటే

దరిదాటి ఉరకలు వేసే ఏ నదికైనా తెలిసిందా
తనలో ఈ ఉరవడి పెంచిన తొలి చినుకేదంటే
సిరిపైరై ఎగిరే వరకు చేనుకు మాత్రం తెలిసిందా
తనలో కనిపించే కలలకు తొలిపిలుపేదంటే

మండే కొలిమినడగందే తెలియదే మన్ను కాదు ఇది
స్వర్ణమంటు చూపాలంటే
పండే పొలము చెబుతుందే పదునుగా నాటే నాగలి పోటే
చేసిన మేలంటే

తనువంతా విరబూసే గాయాలే వరమాలై
దరిజేరే ప్రియురాలే గెలుపంటే

తను కొలువై ఉండే విలువే ఉంటే
అలాంటి మనసకు తనంత తానే
అడగక దొరికే వలపే ప్రేమంటే

జన్మంతా నీ అడులతో అడుగులుకలిపే జత ఉంటే
నడకల్లో తడబాటైనా నాట్యం అయిపోదా
రేయంతా నీ తలపులతో ఎర్రబడే కన్నులు ఉంటే
ఆ కాంతే నువ్వెతికే సంక్రాంతై ఎదురవదా

Lyrics of chandrullo unde kundelu of film nuvvostaanante nenodhantaana in telugu

చంద్రుల్లో ఉండే కుందేలూ కింది కొచ్చిందా
కిందికొచ్చి నీలా మారిందా
చుక్కల్లో ఉండే జిగేలూ నిన్ను మెచ్చిందా
నిన్ను మెచ్చి నీలో చేరిందా

నువ్వలా సాగే తోవంతా
నావలా తూగే నీవెంటా
ఏవంటా
నీవల్లే దారే మారిందా
నీవల్లే తీరే మారీ ఏరై పారిందేమో నేలంతా

చంద్రుల్లో ఉడే కుందేలూ కింది కొచ్చిందా
కిందికొచ్చి నీలా మారిందా

గువ్వలా దూసుకు వచ్చావే తొలి యవ్వనమా
తెలుసా ఎక్కడ వాలాలో
నవ్వులే తీసుకువచ్చావే ఈడు సంబరమా
తెలుసా ఎవ్వరికివ్వలో

కూచిపూడి అన్న పదం
కొత్త ఆట నేర్చిందా
పాట లాంటి లేత పదం పాఠశాలగా
కూనలమ్మ జానపదం పల్లె దాటి వచ్చిందా
జావలీల జానతనం బాట చూపగా

కుంచలో దాగే వర్ణాలూ ఎదురొచ్చేలా
అంతటా ఎన్నో వర్నాలూ
మంచులో దాగే చైత్రాలూ బదులిచ్చేలా
ఇంతలా ఏవో రాగాలూ

ఆకతాయి సందడిగా ఆగలేని తొందరగా
సాగుతున్న ఈ పయనం ఎంతవరకో
రేపు వైపు ముందడుగా లేని పోని దుందుడుకా
రేగుతున్న ఈ వేగం ఎందుకొరకో

మట్టికీ మబ్బుకి ఈ వేలా దూరమెంతంటే
లెక్కలే మాయం అయిపోవా
రెంటినీ ఒక్కటి చేసేలా తీరమేదంటే
దిక్కులే దద్దరపడిపోవా

Lyrics of Nuvvunte from film aarya in Telugu

నువ్వుంటే

ఏదో ప్రియరాగం వింటున్నా చిరునవ్వుల్లో
ప్రేమా ఆ సందడి నీదేనా
ఏదో నవ నాట్యం చూస్తున్నా సిరిమువ్వల్లో
ప్రేమా ఆ సవ్వడి నీదేనా

ఇట్టాగే కలకాలం చూడాలనుకుంటున్నా
ఇటుపైనా ఈ స్వప్నం కరిగించకు ఏమైనా
ప్రేమా ఓ ప్రేమా చిరకాలం నావెంటే
న్నువ్వుంటే నిజమేగా స్వప్నం
న్నువ్వుంటే ప్రతి మాటా సత్యం
న్నువ్వుంటే మనసంతా ఏదో తీయని సంగీతం
న్నువ్వుంటే ప్రతి అడుగు అందం
న్నువ్వుంటే ప్రతి క్షణమూ స్వర్గం
న్నువ్వుంటే ఇక జీవితమంతా ఏదో సంతోషం

పాట పాడదా మౌనం పురి విప్పి ఆడదా ప్రాణం
అడవినైన పూదోటా చేయదా ప్రేమబాటలో పయనం
దారిచూపద శూన్యం అరచేత వాలదా స్వర్గం
ఎల్లదాటి పరవళ్ళు తొక్కదా వెల్లువైన ఆనందం
ప్రేమా నీ సావాసం నా శ్వాసకు సంగీతం
ప్రేమా నీ సాన్నిత్యం నా ఊహల సామ్రాజ్యం
ప్రేమా ఓ ప్రేమా గుండెల్లో కలకాలం
న్నువ్వుంటే ప్రతి ఆశా సొంతం
న్నువ్వుంటే చిరుగాలే గంధం
న్నువ్వుంటే ఎండైనా కాదా చల్లని సాయంత్రం
న్నువ్వుంటే ప్రతి మాట వేదం
నువ్వుంటే ప్రతి పలుకు రాగం
నువ్వుంటే చిరునవ్వులతోనె నిండెను ఈ లోకం

ఉన్నచోట ఉన్నానా ఆకశమందుకున్నానా
చెలియలోని ఈ కొత్త సంబరం నాకు రెక్క తొడిగేనా
మునిగి తేలుతున్నానా ఈ ముచ్చటైన మురిపానా
ఆమెలోని ఆనంద సాగరం నన్ను ముంచు సమయాన
హరివిల్లే నన్నల్లే ఈ రంగులు నీ వల్లే
సిరిమల్లెల వాగల్లే ఈ వెన్నెల నీవల్లే
ప్రేమా ఓ ప్రేమా ఇది శాశ్వతమనుకోనా
నువ్వుంటే దిగులంటూ రాదే
నువ్వుంటే వెలుగంటూ పోదే
నువ్వుంటే మరి మాటలు కూడ పాటైపోతాయే
నువ్వుంటే ఎదురంటూ లేదే
నువ్వుంటే అలుపంటూ రాదే
నువ్వుంటే ఏ కష్టాలైన ఎంతో ఇష్టాలే